இந்த ராசிக்காரர்கள் இன்று வெளியில் செல்வதை தவிர்ப்பது நல்லதாம்!

சந்திரன் இன்றைய தினம் சிம்ம ராசியில் பயணம் செய்கிறார். மகர ராசிக்காரர்களுக்கு சந்திராஷ்டமம் உள்ளது. மேஷம் முதல் மீனம் வரை எந்த ராசிக்காரர்களுக்கு என்ன பலன் என்று பார்க்கலாம்.

மேஷம் - சந்திரன் உங்கள் ராசிக்கு 5ஆம் வீடான பூர்வ புண்ணிய ஸ்தானத்தில் பயணம் செய்கிறார். ராசிநாதன் செவ்வாய் தைரிய ஸ்தானத்தில் இருப்பதால் உங்களின் முயற்சிகள் வெற்றியடையும். செவ்வாய்க்கு குருவின் பார்வையும் கிடைப்பதால் உடல் ஆரோக்கியம் நன்றாக இருக்கும். இன்று குடும்பத்தில் குதூகலம் உண்டாகும். பிள்ளைகள் மூலம் நல்ல செய்திகள் தேடி வரும். வியாபாரத்தில் கூட்டாளிகளை அனுசரித்து செல்வது நல்லது. மன நிம்மதியும் சந்தோஷமும் ஏற்படும்.

ரிஷபம் - சந்திரன் இன்றைய தினம் நான்காம் வீடான சுக ஸ்தானத்தில் பயணம் செய்கிறார். இன்று உங்களின் பொருளாதார நிலை நன்றாக இருக்கும். கணவன் மனைவியிடையே சிறு சிறு மனஸ்தாபங்கள் தோன்றும் கோபமான பேச்சினை தவிர்க்கவும். விட்டு கொடுத்து செல்லவும். மனதில் சின்னச் சின்ன குழப்பங்கள் வரும் என்றாலும் சுக்கிரனால் சுகங்கள் ஏற்படும். சொத்துக்கள் வாங்க பேசி முடிவு செய்யலாம். புதிய வேலை தொடர்பாக தெளிவான முடிவுகள் எடுப்பீர்கள்.

மிதுனம் - சந்திரன் இன்றைய தினம் உங்களுடைய ராசிக்கு மூன்றாவது வீடான முயற்சி ஸ்தானத்தில் பயணம் செய்கிறார். இன்று எதிர்பாராத திடீர் பணவரவு உண்டாகும். வீட்டில் பெரியவர்களின் நன்மதிப்பை பெறுவீர்கள். உடல் ஆரோக்கியத்தில் நல்ல முன்னேற்றங்கள் ஏற்படும். தொழில் வியாபாரத்தில் புதிய கூட்டாளிகள் இணைவார்கள். உத்தியோகத்தில் எதிரிகளால் ஏற்பட்ட
தொல்லைகள் நீங்கும்.

கடகம் - சந்திரன் இன்றைய தினம் உங்களுடைய ராசிக்கு இரண்டாவது வீடான குடும்ப ஸ்தானத்தில் பயணம் செய்கிறார். பணவரவு அதிகரிக்கும். உங்களுக்கு வரவை காட்டிலும் செலவுகள் அதிகமாகும். வியாபார ரீதியான நெருக்கடிகளை சமாளிக்க கடன்கள் வாங்குவீர்கள். உடன் பிறந்தவர்கள் மூலம் உதவிகள் கிடைக்கும். உறவினர்கள் உங்கள் வளர்ச்சிக்கு உறுதுணையாக இருப்பார்கள். கடன் பிரச்சினைகள் ஓரளவு குறையும்.

சிம்மம் - சந்திரன் இன்றைய தினம் உங்களுடைய ராசிக்குள் பயணம் செய்கிறார். லாப ஸ்தானத்தில் உள்ள செவ்வாய்க்கு குருவின் பார்வை கிடைப்பதால் திருமணம் தொடர்பாக பேசி முடிவு செய்யலாம். மன நிம்மதியும் சந்தோஷமும் ஏற்படும். தொழில் வளர்ச்சிக்காக எடுக்கும் முயற்சிகள் அனைத்தும் நற்பலன்களை தரும். பெண்களுக்கு சந்தோஷமான நாள். இன்று பிள்ளைகளால் மனமகிழ்ச்சி தரும் செய்திகள் வீடு வந்து சேரும். குடும்பத்தில் ஒற்றுமை அதிகரிக்கும்.

கன்னி - விரைய ஸ்தானத்தில் பயணிக்கும் சந்திரனால் இன்று வீட்டில் எதிர்பாராத செலவுகள் ஏற்படும். பிள்ளைகளின் படிப்பில் மந்த நிலை உண்டாகும். எதிர்பார்த்த உதவிகள் கிடைக்க தாமதமாகும். உறவினர்கள் உதவியால் கடன் பிரச்சினை குறையும். வியாபாரத்தில் செய்யும் முதலீடுகளுக்கு லாபம் அதிகரிக்கும். சொத்துக்கள் வாங்குவது தொடர்பாக இன்று பேசலாம்.

துலாம் - சந்திரன் லாப ஸ்தானத்தில் பயணம் செய்கிறார். தொழில் வியாபாரத்தில் வேலையாட்கள் பொறுப்புடன் செயல்படுவார்கள். திருமண முயற்சிகளில் அனுகூலப்பலன் உண்டாகும். இன்று இல்லத்தில் மனமகிழ்ச்சி தரும் சம்பவங்கள் நடைபெறும். சிலருக்கு வெளியூரிலிருந்து புதிய வேலை வாய்ப்புகள் கிடைக்கும். உடல் ஆரோக்கியம் நன்றாக இருக்கும்.

விருச்சிகம் - சந்திரன் இன்றைய தினம் பத்தாம் வீட்டில் பயணம் செய்கிறார். இன்று புதிய தொழில் தொடங்கும் முயற்சிகள் அனைத்தும் வெற்றியை தரும். வெளியூர் பயணங்களைத் தவிர்த்து விடவும். உறவினர்கள் வருகையால் குடும்பத்தில் சந்தோஷம் ஏற்படும். பெரிய மனிதர்களின் அன்பும் ஆதரவும் கிடைக்கும். இதுவரை வராத பழைய கடன் பாக்கிகள் வசூலாகும். பண வரவு அதிகமாகும்.

தனுசு - சந்திரன் பாக்ய ஸ்தானத்தில் பயணம் செய்கிறார். ஏழாம் வீட்டில் உள்ள செவ்வாயின் பார்வை உங்கள் ராசிக்கு கிடைக்கிறது. திருமணம் சுப காரியம் தொடர்பாக பேசலாம். இன்று பிள்ளைகளால் மனதில் உற்சாகம் பிறக்கும். குடும்பத்தில் நிம்மதியான சூழ்நிலை ஏற்படும். வேலை செய்யும் இடத்தில் உயரதிகாரிகளை அனுசரித்து செல்வதன் மூலம் வரவிருக்கும் பிரச்சினைகளை தவிர்க்கலாம். எதிர்பார்த்த உதவிகள் கிடைக்கும். பெரிய மனிதர்களின் ஆதரவு கிடைக்கும்.

மகரம் - சந்திரன் எட்டாம் வீட்டில் பயணம் செய்கிறார். இன்று உங்கள் உழைப்பிற்கேற்ற பலன் கிடைக்கும். உங்கள் ராசிக்கு சந்திராஷ்டமம் இருப்பதால் பேச்சிலும் செயலிலும் நிதானம் தேவை. உடல் ஆரோக்கியத்தில் சிறு பாதிப்புகள் ஏற்படும். உணவு விஷயத்தில் கட்டுப்பாடு தேவை. வெளியில் செல்வதை தவிர்த்து விடவும். பெரிய அளவில் முதலீடுகளைத் தவிர்த்து விடவும்.

கும்பம் - சந்திரன் உங்கள் ராசிக்கு ஏழாம் வீட்டில் பயணம் செய்கிறார். இன்று எந்த ஒரு காரியத்தையும் துணிச்சலோடு செய்து அதில் வெற்றியும் காண்பீர்கள். வேலையில் உழைப்பிற்கேற்ற ஊதிய உயர்வு கிடைப்பதற்கான வாய்ப்புகள் உருவாகும். சிலருக்கு இடமாற்றம் ஏற்படும். வியாபாரத்தில் லாபம் அமோகமாக இருக்கும். வீட்டு தேவைகள் பூர்த்தியாகும். உறவினர்கள் வருகையால் உற்சாகம் பிறக்கும். மனதில் நிம்மதி ஏற்படும். திருமணம் சுப காரியம் தொடர்பாக பேசலாம்.

மீனம் - சந்திரன் உங்கள் ராசிக்கு ஆறாம் வீட்டில் பயணம் செய்கிறார். இன்று உங்களுக்கு உடல் ஆரோக்கியம் நன்றாக இருக்கும். சுபகாரிய முயற்சிகளில் இருந்த பிரச்சினைகள் நீங்கும். நண்பர்களின் சந்திப்பு மனதிற்கு மகிழ்ச்சியை அளிக்கும். புதிய பொருட்கள் வாங்குவதில் ஆர்வம் காட்டுவீர்கள். வேலை விசயமாக செய்யும் புதிய முயற்சிகளுக்கு வெற்றி கிடைக்கும். குடும்பத்தில் குதூகலம் உண்டாகும்.